Вторник, 23.04.2024, 17:12
Окружная газета "Усть-Ордын Унэн"
Приветствую Вас Гость | RSS
Меню сайта
Статистика

Онлайн всего: 1
Гостей: 1
Пользователей: 0
Главная » 2018 » Июнь » 29 » «Батальон» – КВН нааданай илагша
11:09
«Батальон» – КВН нааданай илагша

"Батальон" - КВН нааданай илагша

2002 онhоо КВН фестиваль тойрогой Сур-Харбаанай hайндэрэй дэргэдэ \нгэрдэг юм. Энэ нааданда hонирхол жэл б\ри дээшэлнэ. Залуушуулай фестиваль заншалта болоhон. Эндэ 14-hёё 30 наhа болотор хабаадана.

Манай округто бэлиг талаантай, h\бэлгэн ухаатай, шог егто дуратай х\б\\д, басагад олон юм ааб даа. Тэдэнэр областиин хэмжээнэй наадануудта илалтануудые туйлаhан байдаг. Хурса, мэргэн, тааруу шог зугаа зохеохын тула ехэхэн саг, шадал гарадаг.

КВН нааданда бэлдэлгын \едэ \ргэhэ нойрг\й олохон лэ h\нин\\д \нгэрдэг гээшэ.

Тайзан дээрэhээ шог егто, энеэдэтэй \йлэ хэрэг, ушар ябадал тухай хэлэхэ гэбэл, олон ааб даа. Харин тэрэнээ болбосоруулжа, юумэн болгожо харуулха гээшэ тиимэ бэлэн бэшэ. Нэгэнь дурадхал оруулха, н\гёёдэнь тэрэнииень \ргэлжэл\\лхэ, тиигэ тиигэhээр зохид номер бии болодог.

Энэ жэлэй наадан «Yе сагуудай холбоон» гэhэн хамтын темэтэй байгаа. Округой табан аймагуудай болон Ойхоной районой команданууд сугларагшадта х\хюутэй наада харуулба. Фестивалиин хабаадагшадые округой захиргаанай \ндэhэн хэлэн болон \ндэhэн спортын з\йлн\\дэй таhагай дарга Вениамин Хингеев мэндэшэлээ.

КВН-эй программа гурбан шатануудта хубаагдаhан. Т\р\\н «Тоонто нютаг» гэhэн визиткэ, h\\лээрнь «Стрела мэргэна» гэhэн сэсэн мэргэнэй тулалдаан, «Урагшаа» гэhэн х\гжэмтэ гэрэй даабари байhан.

Команда б\хэн hонирхолтой наада харуулжа, сугларагшадые баясуулаа. Оhын аймагай «Апачи», Баяндайн аймагай «Баяндайка» гэhэн командануудай гэш\\д КВН нааданда ехэ дуратайнууд, бултадаа оролдосотойнууд байhанаа харуулаа.

Нааданай д\нгёёр Боохоной аймагай олондо мэдээжэ болоhон «Батальон» команда илагша болобо. Алайрай аймагай «Вне очереди» гэhэн команда боохонойхидhоо нэгэ очкогоор гээгдэжэ, хоердохи hуури эзэлээ. Гурбадахи hуурида Н\хэдэй аймагай «Пятый угол» команда гараба.

«Мисс» болон «Мистер КВН-эй» нэрэ зэргэн\\дтэ Алайрай командын Екатерина Красовская болон Данил Шулунов гэгшэд х\ртэбэ.

«Yндэhэн еhо заншалые сахигшад» гэhэн тусхай номинаци «Омулевые дочки» гэhэн Ойхоной командада олгогдоо. «Эгээ х\гжэмтэ команда» гэhэн нэрэ зэргэдэ боохонойхид х\ртэбэ.

КВН-эй илагша «Батальон» командада Эрх\\гэй областиин Хуули зохеолгын Суглаанай з\гhёё дурасхаалта алтан медаль болон депутат Кузьма Алдаровhаа тусхай шан барюулагдаба.

Энэ командын хабаадагшад Боохоной х\дёё нютагуудай hурагшад, дуулаха, хатарха дуратай х\б\\д болон басагад болоно.

Эдэ залуушуул б\хы з\рхэ сэдьхэлээ, hанал бодолоо, с\лёё сагаа КВН нааданда зорюулжа, \шёёшье \ндэр амжалта туйлаха гэжэ найдагдана

КВН наадан залуушуулые эблэр\\лhэн, нэгэд\\лhэн хэмжээ ябуулган болоно ха юм.

Намжилма Цыденова

Авторай фото-зураг

Просмотров: 347 | Добавил: unen6464 | Рейтинг: 0.0/0
Всего комментариев: 0
avatar
Вход на сайт
Поиск
Календарь
«  Июнь 2018  »
ПнВтСрЧтПтСбВс
    123
45678910
11121314151617
18192021222324
252627282930
Архив записей
Друзья сайта
  • Официальный блог
  • Сообщество uCoz
  • FAQ по системе
  • Инструкции для uCoz
  • Copyright MyCorp © 2024uCoz