Г\рэнэй «Талын аялганууд» ансамблиин дуушан Арсалан Иванов Буряад ороной арадай артист, Усть-Ордын Буряадай автономно округой соелой габьяата ажал ябуулагша Владимир Таршинаевай дурасхаалда \нгэрhэн регионууд хоорондын III конкурсын Гран-придэ х\ртэбэ.

Декабриин 1—2 «Эрдэм» киноконцертнэ залай тайзан дээрэ дуушадай заншалта конкурс \нгэрбэ. Округой зургаан районуудай, Хаашагай, Ойхоной районуудай, Агын округой, Забайкалиин хизаарай болон Бурятиин 40-ёёд гаран дуушад гурбан номинацинуудта хабаадаа.

Конкурсын эхилхын урдахана м\рысёёнэй президент Дарижап Таршинаева хабаадагшадта юрёёл хэлэжэ, амжалтануудые х\сэбэ. Тиихэдээ «Владимир Таршинаевые мартанг\й, дурасхалынь сахижа ябаhандатнай баяртайб», – гэжэ хэлээ hэн. Эрх\\гэй областиин Губернаторай орлогшо – округой захиргаанай х\тэлбэрилэгшэ Марина Ивановагай нэрэhээ Андрей Дмитриев амаршалба. Энэ конкурс саашадаа \ргэлжэлжэ, hалбаржа байг лэ гээд хэлээд, б\хы хабаадагшадта – амжалтануудые, харин харагшадта сэдьхэлээ hайнаар сэнгээхэ гэжэ х\сэбэ.

14—17 наhатайшуулай дунда «Арадай дуун» номинацида Лина Мухтырова илаба, хоердохи hуури Чайковскиин нэрэмжэтэ искусствын колледжын оюутан Алина Дондуковада х\ртёё. Оhын дуушан Руслана Шаданова гурбадахи hуури эзэлбэ.

Энэ номинацида хоердохи наhанай б\лэгтэ Оhын районhоо Дарья Шантагарова илалта туйлаа. Харин Улаан-Yдын искусствын колледжын хоер т\лёёлэгшэ Намгар Будаева болон Арюна Цыренова хоердохи ба гурбадахи hууринуудта гараба.

Н\хэдэй районhоо Александр Гергенов «Академическое пение» номинацида эрхим гэжэ тоологдобо, «Байкал» театрай т\лёёлэгшэ Мунко Батомункуев хоердохи hуури эзэлээ, Ахын дуушан Жамса Бамбагаев гурбадахи hуури абаба.

14—17 наhатайшуулай дунда «Эстрадын дуунай» номинацида гурбан финалистнууд – Оhын районhоо Вячеслав Шулунов, Боохоной районhоо Ксения Чикичева болон Баяндайн районhоо Элизабет Насирова 3 шатын Дипломуудаар шагнагдаба.

Хоердохи «Эстрадное пение – не профессионалы» б\лэгтэ эхирэдэй дуушан Евгения Александрова бултанhаа \л\\дэ тоологдобо, хаашагай дуушан Варвара Бондаренко хоердохи hуури эзэлбэ. «Талын аялганууд» ансамблиин хатаршадай б\лэгэй артист Арсалан Дашеев конкурс нээжэ, 3-дахи hуури эзэлээ hэн.

Мэргэжэлтэдэй дунда «Эстрадное пение» номинацида Улаан-Yдэhёё ерэhэн Дугар Бадмажапов илалта туйлаа, хоердохи hуурида «Талын аялганууд» ансамблиин дуушан Надежда Николаева х\ртёё, Улаан-Yдэhёё Никита Егоров энэ номинацида гурбадахи hуурида гараба. Арсалан Иванов дуунуудые тон сэбэрээр г\йсэдхэhэнэй т\лёё жюриин хамтын hаналаар Гран-придэ х\ртэбэ.

Баяр еhололой байдалда конкурсын д\\рэхэ сагта округой толгойлогшо Марина Иванова ерэhэн байгаа.

– Ехэ hайн, манай округто дуушадай иимэ конкурснууд \нгэрдэг. Энэ хэмжээн м\нёё дээрээ заншалта болонхой, манай арадай артист Владимир Таршинаевай дурасхаалда \нгэрнэ. М\нёёдэр манай бэлиг ехэтэй \хиб\\дые, залуушуулые дахин харабаб, хонгео hайхан хоолойнуудаараа маанарые баярлуулба. Манай \ндэhэн соел болбосорол х\гжэжэ байна гээд тэмдэглэнэб. Конкурсын эмхидхэгшэдтэ, хабаадагшадта баяраа х\ргэнэб. Саашадаа зохеон байгуулгын амжалтануудые туйлажа, элдэб конкурснуудта илалтануудта х\ртэжэ байгты, – гээд Марина Иванова х\сэбэ.

Дуунай ехэ конкурс декабриин 2-то шангуудые барюулалгаар болон гое концертээр д\\рэбэ. Булта финалистнууд болон жюриин гэш\\д Митуп Шагдаров, Оюна Дарижапова болон Алена Александрова гэгшэд дуунуудые дуулаа.

Наталья МОГЗОЕВА

Т. Васильевагай фото