«Алтаргана» наадан энэ зундаа болохо

"Алтаргана-2016", Улаан-Yдын хото. Редакциин архивhаа фото-зураг

Агын Буряадай тойрогто эмхидхэлэй хорооной суглаанда Б\гэдэ Буряадай «Алтаргана» наадан июлиин 30, 31-эй \дэрн\\дтэ \нгэргэхэ гэhэн шиидхэбэри абтаа. Тус суглаанда Yбэр Байгалай хизаарай, Усть-Ордын Буряадай тойрогой, Монголой аймагуудай засаг зургаанай, Россотрудничествын, Монголой буряад соел, еhо заншал х\гжёёхэ талаар жасын, шажан м\ргэлэй, олондо мэдээсэл тараадаг хэрэгсэлн\\дэй т\лёёлэгшэд хабаадаа. 

Эрх\\ можын талаhаа Усть-Ордын тойрогой захиргаанай х\тэлбэрилэгшын орлогшо Андрей Дмитриев, Yндэhэн арадуудай соелой т\бэй дарга Александр Амагзаев гэгшэд ошоhон байна.

Андрей Николаевичай тэмдэглэhээр, Агын тойрог фестивальда д\\рэн дэлистэйгээр бэлдэжэ байна. Эпидемиологическа байдал хараалан, федеральна т\бтэй, Роспотреб - хиналтата хэлсэhэнэй удаа наада \нгэргэхэ болзор \шёё тодорхойлогдохо.

Фестивальда хабаадагшад, айлшадта гэжэ ехэ программа бэлдэгдэнэ. Тэдэнэр  Агын  музей,  байгаалиин  х\шёё,  соелой  баялигтай  танилсаха. Июлиин 29-дэ уласхоорондын эрдэмэй-практическа хуралдаан \нгэрхэ. Хэмжээ ябуулга эмхидхэгшэдтэй бэдэрэлгын ехэ ажал ябуулhанай д\н гаргажа, «Летопись Алтарганы» гэhэн номтой танилсуулха юм. Фестивалиин \дэрн\\дтэ Даши Намдаков, Жигжит Баясхалановай хубиин \зэсхэлэнг\\д дэлгэгдэхэ, тиихэдэ «Алтарганын т\\хэ» гэhэн архивна материалнуудай \зэсхэлэн олоной hонорто дурадхагдаха.

«Алтаргана» нааданай \едэ Ородой болон Монголой мэдээжэ эрдэмтэн, олониитын ажал ябуулагша Цыбен Жамцаранодо х\шёё нээгдэхэ. Т\рэл гаралаа бэдэрхэ «Ищу тебя» гэhэн т\сэл бэел\\лэгдэхэ юм.

Фестиваль эмхидхэлгын д\й д\ршэл хараалан, нааданай нээлгын, хаалгын еhололой, эгээл hонирхолтой талмайнуудhаа сэхэ дамжуулагдаха. Хэрэгтэй б\хы мэдээсэл «Алтарганын» сайтда толилогдохо.

Майн 24-дэ эмхидхэлэй хороон дээрэ  «Алтаргана» ямар т\хэлёёр  \нгэрхыень т\гэсхэлэй шиидхэбэри абтагдаха.

Намжилма   Цыденова