Округой гулваа Анатолий Прокопьев Х\ндэлэлэй грамота Эллада Ямановада барюулба

Аха \еын д\\ргэгшэд                                                                                  Уулзалгын баяр

гээд Эрх\\гэй г\рэнэй университедэй буряад хэлэ бэшэгэй таhагай 75 жэлэй ойн баярта сугларhан олон тоото д\\ргэгшэдынь тоолоно. Энэ хугасаа соо мянгаад мэргэжэлтэдые таhаг бэлдэhэн юм. Эндэhээ бэрхэ т\рэл хэлэнэй багшанар, 22 эрдэмэй докторнууд, 79 эрдэмэй кандидадууд, ниитын ажаябуулагшад, сэтг\\лшэд, уран зохеолшод гараhан байна. Гансашье болбосоролой бэшэ, м\н олон ондоо hалбаринуудта ажалладаг буряад таhагайхид хаанашье ябахадаа, х\нэй хойно байдагг\й. Олониинь х\тэлбэрилхы тушаалнуудта ябанад. Буряад таhагай баян т\\хэ олондо мэдээжэ гээшэ.

Ноябриин 2-то т\рэл эрдэмэйнгээ гуламтые амаршалхаяа хаа яанаhаа элдэб он жэлн\\дтэ д\\ргэhэн шабинарынь суглараа. Yни х\леэгдэhэн уулзалгын баяр залуу наhантаяа, хуушан багшанартаяа \нгэрбэ. Х\н б\хэн hайхан тэрэ \е сагаа сэдьхэлээ уяруулан дурсаа бэлэй.

Баяр еhололой хуби хэлэ бэшэгэй институдай томо заал соо боложо, олон тоото айлшад, засагай т\лёёлэгшэд ойн баяраа тэмдэглэгшэдые амаршалан, шагналнуудые барюулаа.

Усть-Ордын Буряадай тойрогой захиргаанай х\тэлбэрилэгшэ Анатолий Прокопьев Эрх\\гэй областиин Губернаторай з\гhёё мэндэшэлэн, буряад танхимай багшанарта Х\ндэлэлэй грамотанууд, Баярай бэшэг\\дые барюулhан юм.

– Манай тойрогой захиргаан буряад филологиин танхимтай нягта барисаатай олон жэлн\\дтэ ажал х\дэлмэри ябуулнабди. Ехэ шухала г\рэнэй даабари хамтынгаа х\сёёр д\\ргэнэ ха юмди. Т\рэл хэлэ, соелоо урагшань х\гжёёхэ шухала хэрэг болоно, гээд округой гулваа тэмдэглэбэ.

РФ-циин Федеральна Суглаанай гэш\\н Вячеслав Мархаев Совед Федерацииин з\гhёё баяр баясхаланиие буряад танхимда дамжуулан, дулаан х\сэлн\\дые хэлээ.

Буряад Уласай Толгойлогшын ба Засагай газарай Захиргаанай \ндэhэ яhатан хоорондын харилсаанай ба эрхэтэдэй \\схэл х\гжёёхэ хорооной з\бшэлэгшэ, буряад таhагай 1991 оной д\\ргэгшэ Ринчима Романова «Буряад Республикын урда габьяатай» гэhэн медальнуудые Буряад Уласай гулваагай з\гhёё буряад танхимай даагша, хэлэ бэшэгэй эрдэмэй кандидат Елена Шаракшинова, эрдэмэй доктор Татьяна Тагарова болон хэлэ бэшэгэй факультедэй хуушан декан Нина Баканова гэгшэдтэ з\\лгэбэ.

Тойрогой аймагуудай захиргаануудай Х\ндэлэлэй грамотануудаар, Баярай бэшэг\\дээр элдэб он жэлн\\дтэ буряад таhагай оюутадта зааhан ород таhагай багшанар урмашуулагдаа.

Экран дээрэ олон тоото оюутадта зааhан, м\нёё бурхандаа мордоhон хуушан багшанарай д\рсэн\\дые харан, абяануудыень шагнаха \едэ эжэлэдг\й олоной нелбоhод дууhаа.

Тайзан дээрэhээ аха \еын 60-аад оной эхеэр д\\ргэгшэд З\\н З\гэй Сибириин соелой академиин профессор Николай Данилович Хосомоев, багшын ажалай ветеранууд Ольга Семеновна Васильева, Сэндэма Дугаровна Дугарова гэгшэд т\рэл буряад таhагаа амаршалан, дурсалгануудтаяа хубаалдаа.

Гое hайхан концертнэ номернуудые университедэй хоор, хатарай ансамбль, оюутад бэлэглээ.

Ойн баярай дэргэдэ «Актуальные проблемы монголоведения и тюркологии» гэhэн уласхоорондын эрдэмэй-практическа конференци \нгэрбэ. Тэрэнэй х\дэлмэридэ округой захиргаанай \ндэhэн хэлэнэй таhагай дарга Вероника Харбанова, Буряадай арадай поэт, эрдэмэй доктор Баир Дугаров, Монгол ороной эрдэмтэд П\рэвс\рэн Яндий, Самбуу Хёвсгёл болон бусад эрдэмтэд, багшанар хабаадажа, хэлэ бэшэг, т\\хэдэ хабаатай шухала асуудалнуудые з\бшэн хэлсээ.

Дэмбэрэлтэ hайхан \дэр hайндэрэй \дэшын хоол барилгаар т\гэсэбэ. Тэндэ элдэб он жэлн\\дэй шабинар т\рэл танхимай багшанараа амаршалан, сэдьхэлэй дулаан х\сэлн\\дээ зорюулhан байна.

Буряад хэлэнэй дээдын hургуулимнай х\гжэлтын hайхан замаар б\ри урагшаа дабшан, хододоо hалбараг лэ!

Намжилма Цыденова

Авторай фото-зурагууд